АРДАГЕРЛЕР СТУДЕНТТЕРМЕН КЕЗДЕСТІ

2025 жылдың 24 ақпанында Қ.Құлажанов атындағы «Технология және Бизнес Университетінің» колледжінде «Мұнай мен газ Қазақстанның басты шикізат байлығы, оның болашақ гүлденуінің негізі» атты ашық пікірлесу сабағы өтті. Бұл іс-шараға «Мұнай мен газды өңдеу технологиясы» мамандығының студенттері, колледж директоры Сұрағанов Қ.Қ., оқытушылары Якиева А.С., Риза Мұхаммедқызы және «Мұнайгаз кешені ардагерлері» Республикалық қоғамдық бірлестігінің мүшелері Тегісбаев А.О., Амантурлиев Б.Қ., Таубаев М.Қ. сияқты сала ардагерлері қатысты.

Іс-шара барысында студенттер мұнай мен газды өндіру, тасымалдау және өңдеу жөнінде өздері дайындаған презентацияларын ұсынды. Ардагерлер студенттермен өздерінің өндірістік тәжірибелерімен бөлісіп, кеңестер беріп, пікір алмасты. Олар студенттерге өздерінің мамандықтары бойынша өндірістік тәжірибеден өтіп, салаға толықтай араласудың маңыздылығын атап өтті.

Пікірталас соңында қатысушылар суретке түсіп, алғыс айтылып, сый-сияпаттармен алмасу рәсімі өткізілді. Бұл кездесудің студенттер үшін үлкен мәні болды, себебі олар өз болашақ мамандықтары бойынша тереңірек білім мен тәжірибе алуға ынталанды.