Үстіміздегі жылдың ақпан айының 18 -і күні ҚР Ұлттық академиялық кітапханасында “Қазақстан ұлттық пантеоны” атты тарихи-танымдық кітабының тұсаукесері өтті. Бұл басылымның шығуына мемлекет қайраткері Ж.Құлекеев жетекшілік етіп, КМГ АҚ спонсорлық көмек жасаған. Жиынға “МГКА” РҚБ бас директоры А.Тегісбаев, бірлестік кеңесінің мүшелері М.Батырбаев, З.Алшымбаев, Қ.Қабылдин, сала ардагерлері Т.Наушиев, К.Ибрашев және т.б. елорда зиялы қауымы өкілдері қатысты.

Беташар сөз алған қоғам қайраткері Ә.Ахметов және т.б. сөйлеген әдебиет пен тарих саласының белгілі мамандары, кітаптың Қазақстан мұнайының 125 жылдығына сәйкестендіріліп , еліміздің өсіп өнуіне ерекше үлес қосқан 125 тарихи тұлғаның іріктеліп алынғанын, оның мәні мен мағынасына тоқталды. Сондықтан, бұл кітап біздің тұлға тануға қосылған, тәуелсіздігімізді тұғырлы еткен тұлғалар еңбегін бағалауға арналған үлкен еңбек деп есептеуге болатынын атап өтті.
Жиын соңында “Қазақстан ТВ” бағдарламасына берген интервьюінде- мұнайшы ардагерлер бірлестігі Кеңесінің мүшесі З.Алшымбаев: — “…Сонау Арыстанбаб, Қожа — Ахмет Яссауии ия болмаса Бекет ата, Аль-Фараби т.с.с., одан кейінгі белгілі қазақтың тұлғалары қамтылған, тұңғыш, әр салада өзінің ізін қалдырған тұлғалар өмір жолының қысқаша квинтэссенциясын бір кітапқа жинақтап шығару- бұл қоғамымыз үшін өте қажет, дұрыс жоба болды деп есептейміз”- деп қортындылады.

“МГКА” РҚБ ОРТАЛЫҚ АППАРАТЫ